السلام عليكم
ازيكم يا بنوتات انا النهارده جايه عشان نتكم مع بعض عن الفاشون والموضه ونظبط كل حاجه تخصنا مع بعض وهنتكلم اول حاجه ف الالوان والهدوم نظبطها ازاى مع بعض
الالوان اللى طالعه موضه السنه دى هى :
المسطرده والاصفره لسه مكلمين معانا طبعاَ ممكن ندخل ع السطره الاوف الوايت هيبفى تحف جداَ زى بلوزه مسطره البنطلون اوف وابت او ابيض و الطرحه ممكن تبقى مشجره هيبقى شيك او من الالوان الجريئه السنه دى والمنتشره وطبعاَ كل بنوته بتشكل اللون والموديل حسب زوقها الخاص واكيد هيطلع حلو عليهااا ..
لسه مكمل معانا برضو السنه دى البيبي بلوو وده ممكن نعما معاه مكيس مع الاصفر بيطلع يجنن وممكن نعمله مكيس مع المسطرده بس ده حسب تنسيقك للالوان زى لو فستان بيبيى بلو ممكن تجيبى عليه شنطه مسطرده و شوز مسطرده وطرحه اوف وايت او مشجره وندخل فيها اللون هيطلع يجنن وبذات لو ف مصيف ع البحر للتصوير
جاحه تانيه الابيض الابيض اللون الجوكر وطبعاَ ده معانا السنه دى بإكتساح زى البلوزات البيضه شيفون او القطن الشيفو ممكن نظبطها للمناسبات والخروج بليل او نظبطها للخروج بنهار بليل ممكن ع جيب اى لو يعجبك بلسيه او بنطلون بلسيه اى لون ووممكن بنطلون قماش برجل واسعه بليسيه او عادى برضو اى لون لان الابيض لون جوكر مناسب لكل الاوقات لو اتكلمنا عن فستان ابيض (الاوف وايت) وده الاكثر انتشاراً ده بقى ممكن نظبطه بطرق كتير او الفستان لو بكم ممكن نظبطه على طرحه زهرى ف ابيض والشنطه لو لمصيف ممكن تبقى خوص وفيها الالوان انما لو خروجه عاديه ممكن بيبيى بلو ومعاه صندل او سليبر الفستان لو كت بقى ده ممكن نظبطه بحاجات كنير ممكن نجيب له قمص دينز ونربطه من الوسط ونلبس عليه طرحه فيها فيها بيبي ببلو او بينكات ونظبط عليه الشنطه والشوز برضو عادى زى ما قلنا فوق ممكن كمان نلبس شميز ابيض والطرحه برضو زى ما قلنا فوق ونظبط الاكسسوسرى ونظبط الشوز والشنطه برضو زى ما قلنا فوق هيطلع يجنن
اخر حاجه ممكن نتكلم فيها النهارده عشان مطولش عليكم الجواكيت دى بقى ترند ااوى السنه ومكمله معانا من السنه اللى فاتت الجواكيت الملونه والجواكيت الجينز البوى فريند ودى عسل اووى بجد وطبعا دى بيتلبس تحتها بلوزه مكن تلبسى بقى البلوزات اللى طالعه موضه اللى فيها استراس طبعا الشكل واللون اللى يعجبك وتظبطيها طبعاَ ده هيتظبط طقم كاجول خالص سبور كداا بس هيبقى عسل اوووى .... يارب اكون فتدكم النهارده ولو اى حد محتاج اى معلومه او سؤال انا تحت امره ويارب هنا كلنا نستاد ونستمتع مع بعض بكل حاجه حلووه
